Unha xanela á memoria documental da Arquidiócese Compostelá
MAC. Miscelánea Arquivística Compostelá nace con este primeiro número como un espazo para achegar o AHDS ao público, mostrando que os documentos non só gardan datos, senón historias, técnicas e maneiras de entender o mundo. Este primeiro número convida a descubrir a memoria escrita a través da tinta que fixo posible os textos e da lectura do territorio e das súas prácticas tradicionais. Dende o Arquivo Histórico Diocesano de Santiago de Compostela, MAC propón mirar o pasado con curiosidade, espírito crítico e vontade de diálogo, entendendo o arquivo como unha institución viva ao servizo da sociedade.